Health & Food Basics

Blood Sugar
1.Blood sugar (glucose)- main fuel that the body uses to produce energy.
2.Insulin, a hormone produced by the pancreas, helps maintain normal blood sugar levels.
3.Uncontrolled or high blood sugar levels can lead to health complications such as blindness, heart diseases, kidney disease.
4.Increase in concentration of glucose in the blood leads to a condition called "diabetic coma" or hyperglycemia.


Category of a person Fasting Value Post Prandial
Minimum Value | Maximum ValueValue 2 hours after

Normal 70 100 Less than 140
Early Diabetes 101 126 140 to 200
Established Diabetes ore than 126 - More than 200

............................................................................................................................

BMI
Body mass index (BMI) is a measure of body fat based on height and weight that applies to adult men and women.
BMI Categories:
Underweight = <18.5 Normal weight = 18.5–24.9 Overweight = 25–29.9 Obesity = BMI of 30 or greater Calculate Your Body Mass Index - http://www.nhlbisupport.com/bmi/
............................................................................................................................
Ideal Height-Weight
http://www.halls.md/ideal-weight/body.htm
............................................................................................................................

Are You Drinking Enough Water?
If you're not, you could end up with excess body fat, poor muscle tone, digestive complications, muscle soreness -- even water-retention problems.

2 liters of water is needed for humans to stay healthy. Normally, we say at least 8 glasses per day.
1 glass = 240 ml
8 glasses = 240 x 8 = 1920 ml, say 2 liters.

Calculate Your BMI - Standard BMI Calculator

www.nhlbisupport.com

Body mass index (BMI) is a measure of body fat based on height and weight that applies to adult men and women

 

BY SANTHOSH MOHAN

KUDAVAYARU KURAKKENDE??

തിന്നിട്ടും തിന്നിട്ടും മതി വരുന്നില്ല...
പറഞ്ഞിട്ടും പറഞ്ഞിട്ടും മതി വരുന്നില്ല.
ഈ വയറിന്റെ ഒരു കാര്യം; എല്ലാം ഒരു
ചാണ്‍ വയറിന് വേണ്ടിയാണ് എന്നൊക്കെയാണ് പറച്ചില്‍. പക്ഷേ , പലപ്പോഴും ഒരു ചാണ്‍ എന്നത് ഒരു ചാക്ക് വയറായിപ്പോകും.

അതേ പലവട്ടം പറഞ്ഞതാണ്, വയറഴകിന്റെ കാര്യം. ആറുകട്ട മസിലും എട്ടുകട്ട മസിലുമൊന്നുമില്ലെങ്കിലും തള്ളിനില്‍ക്കാത്ത ഒരു വയര്‍, ഹൊ എന്തൊരു നല്ല സ്വപ്നം. പക്ഷേ വറുത്തതും പൊരിച്ചതും കുഴച്ചതുമൊക്കെ കാണുമ്പോള്‍ എല്ലാം അങ്ങ് മറന്നുപോകും. വായില്‍ കപ്പലോടുന്ന വെള്ളം നിറയാതിരിക്കാന്‍ കിട്ടുമ്പോഴൊക്കെ 'നോ' എന്ന് പറയാതെ വാരിവലിച്ചങ്ങ് തിന്നും. പിന്നെ തള്ളിയവയറും താങ്ങിപ്പിടിച്ച് നടക്കാനും ഓടാനും പോകും. ഇതൊന്നു കുറഞ്ഞു കിട്ടണമല്ലോ? എന്തുചെയ്യാം, ഒന്നൊതുങ്ങി വരുമ്പോഴേക്കും പിന്നെയും തീറ്റ തുടങ്ങും. തിന്നണ്ട എന്നൊന്നും പറയുന്നില്ല. ഈ തീറ്റയെടുപ്പില്‍ അല്പം സെലക്ഷന്‍ കൊണ്ടുവന്നാലോ? വയറിനു വേണ്ടി നമുക്ക് അല്പം സെലക്ടീവാകാം.
ആദ്യം വയറൊതുക്കാന്‍ പറ്റിയ വളരെ രുചികരമായ 10 കൂട്ടം ആഹാരസാധനങ്ങളില്‍ നിന്ന് തുടങ്ങാം.വയറിനുവേണ്ടി ചെയ്യുന്ന വ്യായാമങ്ങള്‍ക്കൊപ്പം ആഹാര നിയന്ത്രണവും തിരഞ്ഞെടുക്കപ്പെട്ട ഭക്ഷണ പദാര്‍ഥങ്ങളുമാകുമ്പോള്‍ ഇരട്ടിഫലം ഉറപ്പ്.

ബദാം
പണക്കാരന്റെ പരിപ്പ് എന്ന പേരുദോഷം തീര്‍ത്ത് ഇപ്പോള്‍ ഏതൊരാള്‍ക്കും സൂപ്പര്‍ മാര്‍ക്കറ്റുകളില്‍ നിന്ന് വാങ്ങാന്‍ കഴിയുന്ന ഒന്നായി ബദാം മാറിയിട്ടുണ്ട്. ശരീരത്തിനാവശ്യമായ പ്രോട്ടീന്‍, നാരുകള്‍, വൈറ്റമിന്‍-ഇ
എന്നിവകൊണ്ട് സമ്പുഷ്ടമാണ് ബദാം. രക്തത്തിലെ പഞ്ചസാരയുടെ അളവ് നിയന്ത്രിക്കുന്ന ശരീരത്തിന് ആവശ്യമായ ഊര്‍ജം നല്‍കുന്ന, പേശികള്‍ക്ക് കരുത്ത് നല്‍കുന്ന മൂലകമായ മഗ്‌നീഷ്യവും ബദാംപരിപ്പില്‍ അടങ്ങിയിട്ടുണ്ട്. രക്തത്തിലെ പഞ്ചസാരയുടെ അളവ് ക്രമീകരിക്കപ്പെട്ടാല്‍ തന്നെ ആഹാരത്തോടുള്ള ആര്‍ത്തിയും വാരിവലിച്ചുള്ള തീറ്റയും അതുവഴിയുണ്ടാകുന്ന അമിതവണ്ണവും കുറയും. ഇതിനൊക്കെ പുറമേ ബദാം പരിപ്പിലടങ്ങിയിരിക്കുന്ന ഘടകങ്ങള്‍ ശരീരത്തില്‍ കൊഴുപ്പടിഞ്ഞു കൂടുന്നതിനെ ചെറുക്കുമെന്നും കണ്ടെത്തിയിട്ടുണ്ട്.ദിവസം 30 ഗ്രാം ബദാംപരിപ്പ് (ഏകദേശം 23 എണ്ണം) ശീലമാക്കൂ.
ഒരാഴ്ചയ്ക്കുള്ളില്‍ വ്യത്യാസമറിയാം. അപ്പോള്‍ ഇന്നു മുതല്‍ ബദാം പരിപ്പ് സിന്ദാബാദ്. (ബദാം അരച്ച് പാലില്‍ ചേര്‍ത്ത് ദിവസവും കഴിച്ചാല്‍ സൗന്ദര്യം വര്‍ധിക്കുമെന്നും പറയുന്നുണ്ട്)


മുട്ട
ലോകത്ത് വെച്ച് കിട്ടാവുന്ന ഏറ്റവും മികച്ച സമീകൃതാഹാരം. എന്നുവെച്ചാല്‍ ഒരു മനുഷ്യശരീരത്തിനാവശ്യമായ എല്ലാ മൂലകങ്ങളും പ്രകൃതി ഉരുട്ടിയെടുത്ത് ഒരുണ്ടയില്‍ അടച്ചുവെച്ചതാണ് മുട്ട. പേശികള്‍ മുതല്‍ തലച്ചോറിനുവരെ പ്രവര്‍ത്തിക്കാന്‍ ആവശ്യമായ പ്രോട്ടീന്‍, അമിനോ ആസിഡ്, സിങ്ക് തുടങ്ങിയ മൂലകങ്ങളുടെ കലവറയാണ് ഇത്തിരിപ്പോരം വരുന്ന ഒരു മുട്ട. രാവിലെ കാര്‍ബോഹൈഡ്രേറ്റുകള്‍ നിറഞ്ഞ പ്രഭാതഭക്ഷണം കഴിക്കുന്നവരേക്കാള്‍ വിശപ്പ് കുറവായിരിക്കും മുട്ട ഉള്‍പ്പെടുന്ന കാര്‍ബോ ഹൈഡ്രേറ്റ് കുറഞ്ഞ പ്രഭാത ഭക്ഷണം കഴിക്കുന്നവര്‍ക്ക് എന്ന് പഠനങ്ങള്‍ പറയുന്നു. വിദേശികള്‍ രാവിലെ ഒരു ഗ്ലാസ് നാരങ്ങാവെള്ളവും ഒരു മുട്ട പുഴുങ്ങിയതുമാണ് ബ്രേക്ക് ഫാസ്റ്റായി കഴിക്കുന്നത്. രക്തത്തില്‍ കൊളസ്‌ട്രോളിന്റെ അളവ് കൂടുതലാണ് എങ്കില്‍ മുട്ട അധികം കഴിക്കേണ്ട. കാരണം ഒരു മുട്ടയില്‍ 213 മി. ഗ്രാം കൊളസ്‌ട്രോള്‍ അടങ്ങിയിട്ടുണ്ട്.


ആപ്പിള്‍
An apple a day keeps the doctor away എന്നാണ് ചൊല്ല്.
അമിത വണ്ണം കുറയ്ക്കാനും ആപ്പിള്‍ സഹായിക്കും. ഒരു ആപ്പിളിന്റെ 85 ശതമാനം ജലാംശമാണ്. ആപ്പിള്‍ കഴിക്കുമ്പോള്‍ വിശപ്പ് മാറും, ജലാംശം കൂടുതലായതിനാല്‍ അമിതവണ്ണവും വരില്ല. ദിവസം മൂന്ന് ആപ്പിള്‍ എങ്കിലും കഴിക്കുന്നവരുടെ വണ്ണം മൂന്ന് മാസങ്ങള്‍ക്കുള്ളില്‍ കുറയും.
മാത്രമല്ല ചില അര്‍ബുദങ്ങള്‍ക്കെതിരെ പ്രവര്‍ത്തിക്കുന്ന ക്യൂയര്‍സെറ്റീന്‍ എന്ന പദാര്‍ഥം ആപ്പിളില്‍ അടങ്ങിയിട്ടുണ്ടെന്നാണ് ശാസ്ത്രലോകം പറയുന്നത്. കൊളസ്‌ട്രോള്‍ കുറയ്ക്കുന്നതിനും ശ്വാസകോശങ്ങള്‍ക്ക് കരുത്ത് പകരുന്നതിനും ആപ്പിളിന് കഴിവുണ്ട്


തൈര്
ചാടിയ കുടവയറിനെ ഒതുക്കാന്‍ പറ്റിയ ഭക്ഷണങ്ങളില്‍ പരമപ്രധാനമാണ് തൈര്, കാത്സ്യത്തിന്റെ നിറകുടം. തൈരിലെ പ്രോബയോട്ടിക് ബാക്ടീരിയ ദഹന പ്രക്രിയ സുഗമമാക്കും. മലബന്ധം, അജീര്‍ണം, ഗ്യാസ്ട്രബിള്‍ തുടങ്ങിയ സാധാരണയായുണ്ടാകുന്ന പ്രശ്‌നങ്ങള്‍ പരിഹരിച്ച് വീര്‍ത്തിരിക്കുന്ന വയറിനെ ചുരുക്കാന്‍ അത്യുത്തമമാണ് തൈര്. കൊഴുപ്പ് നീക്കിയ തൈര് ദിവസം മൂന്ന് കപ്പെങ്കിലും കഴിക്കുക.



മീന്‍
നോണ്‍-വെജിറ്റേറിയന്‍ ഭ്രാന്തന്മാര്‍ക്കും സന്തോഷിക്കാം. ചാള, മത്തി, അയല, ട്യൂണ തുടങ്ങിയ മീനുകള്‍ ഒമേഗ-3-ഫാറ്റി ആസിഡിന്റെ മൊത്തക്കച്ചവടക്കാരാണ്. ഈ മത്സ്യങ്ങള്‍ കഴിക്കുന്നത് ശരീരത്തിലടിഞ്ഞുകൂടിയ കൊഴുപ്പിനെ കത്തിച്ചുകളയാനും ഉചാപചയ പ്രവര്‍ത്തനങ്ങളെ സുഗമമാക്കാനും ഉപകരിക്കും. ഈ മത്സ്യങ്ങള്‍ സ്ഥിരമായി കഴിക്കുന്നവരുടെ രക്തത്തിലെ ഗ്ലൂക്കോസ്-ഇന്‍സുലിന്‍ ബന്ധത്തില്‍ ആരോഗ്യപരമായ മാറ്റമുണ്ടെന്ന് ഓസ്‌ട്രേലിയയില്‍ നടത്തിയ ഒരു പഠനത്തില്‍ തെളിഞ്ഞിട്ടുണ്ട്.
ആഹാരത്തില്‍ ഉള്‍പ്പെടുത്തുന്ന കടല്‍മത്സ്യങ്ങളിലെ ചില ഘടകങ്ങള്‍ ദഹനപ്രക്രിയയെ നിയന്ത്രിക്കുകയും ഭക്ഷണത്തോടുള്ള ആര്‍ത്തി കുറയ്ക്കുകയും ചെയ്യുന്നതായി പറയുന്നുണ്ട്.


ചോളം
അരി, ഗോതമ്പ് തുടങ്ങി ശരീരം വണ്ണംവെക്കുന്നതിനുകാരണമായ കാര്‍ബോ ഹൈഡ്രേറ്റുകള്‍ അടങ്ങിയ ഭക്ഷണത്തിനുപകരം പ്രോട്ടീനും വൈറ്റമിന്‍ ബിയും മൂലകങ്ങളും കൂടുതലായടങ്ങിയിട്ടുള്ള ചോളം ഉള്‍പ്പെടുത്താവുന്നതാണ്. പ്രഭാതഭക്ഷണത്തില്‍ അരിയാഹാരത്തെ മാറ്റി ചോളംകൊണ്ടുള്ള റൊട്ടി, ഉപ്പു മാവ് എന്നിവ ഉണ്ടാക്കി കഴിക്കാം. ചോളമാകുമ്പോള്‍ അധികം കഴിക്കാതെ തന്നെ വയര്‍ നിറയുകയും ചെയ്യും.


പച്ചിലക്കറികള്‍
കാത്സ്യസമ്പുഷ്ടമാണ് പച്ചിലക്കറികള്‍. ഒരു കപ്പ് ബ്രോക്കോളി കഴിച്ചാല്‍ (കോളീഫ്ലവര്‍ ഇനം) ഒരു ദിവസം ശരീരത്തിനാവശ്യമായ നാരുകളുടെ 20 ശതമാനം ലഭിക്കും. അര്‍ബുദത്തെ ചെറുക്കുന്ന കരോട്ടിനോയിഡ്‌സ് എന്ന പദാര്‍ഥവും ഇലക്കറികളില്‍ അടങ്ങിയിട്ടുണ്ട്. കോളീഫ്ലവര്‍, ചീര, മുട്ടക്കോസ്, ബ്രോക്കോളി തുടങ്ങിയ ഇലവര്‍ഗങ്ങള്‍ ആഹാരശീലങ്ങളില്‍ ഉള്‍പ്പെടുത്തുക.


സ്‌ട്രോബെറി & മള്‍ബറി
ഏറ്റവും കൂടുതല്‍ നാരുകളടങ്ങിയ പഴങ്ങളാണ് ബെറീസ് കുടുംബത്തിലേത്. നാരുകള്‍ കൂടുതലടങ്ങിയ ഭക്ഷണം കഴിച്ചാല്‍ ഗുണങ്ങള്‍ പലതാണ്. നമ്മള്‍ കഴിക്കുന്ന മറ്റ് ആഹാരപദാര്‍ഥങ്ങളില്‍ നിന്ന് നല്ലൊരു ഭാഗം നാരുകള്‍ ആഗിരണം ചെയ്യുകയും പൂര്‍ണമായും ദഹിച്ച് ശരീരത്തോട് ചേരും മുമ്പ് തന്നെ അവയെ വിസര്‍ജ്യങ്ങളിലൂടെ പുറത്ത് കളയുകയും ചെയ്യും. ഇത് മൂലം മറ്റ് ഭക്ഷണം കൂടുതല്‍ ശരീരത്തിലെത്തിയാലും അവ അടിഞ്ഞുകൂടി അമിത വണ്ണത്തിന് കാരണമാകുമെന്ന പേടി വേണ്ട. ബെറിപ്പഴങ്ങള്‍ നല്ല ആന്റീ ഓക്‌സിഡന്റുകള്‍ കൂടിയാണ്. അര്‍ബുദരോഗത്തെ ചെറുക്കും. രക്തയോട്ടം സുഗമമാക്കും, പേശീതന്തുക്കളുടെ പ്രവര്‍ത്തനം ആയാസരഹിതമാക്കും. അങ്ങനെ ഒട്ടനവധി ഗുണങ്ങളാണ് ബെറിപ്പഴങ്ങള്‍ക്കുള്ളത്.


വെജിറ്റബിള്‍ സൂപ്പ്
സാധാരണഗതിയില്‍ സാമ്പാറിനെയാണ് നമ്മള്‍ വെജിറ്റബിള്‍ സൂപ്പ് എന്ന് പറയുന്നത്. സാമ്പാറും വെജിറ്റബിള്‍ സൂപ്പാണ്.
പക്ഷേ, കായവും സാമ്പാര്‍പൊടിയും ഉരുളക്കിഴങ്ങുമൊന്നുമിടാതെ പച്ചക്കറികളായ വെണ്ടയ്ക്ക, തക്കാളി, കാരറ്റ്, ബീന്‍സ് തുടങ്ങിയ സാധനങ്ങളൊക്കെ വെള്ളം കുറച്ചു പുഴുങ്ങി ആവശ്യത്തിന് ഉപ്പും മുളകുപൊടിയുമൊക്കെയിട്ട് (അല്പം കുരുമുളക് കൂടിയുണ്ടെങ്കില്‍ നന്നായി) സൂപ്പാക്കി കഴിക്കുക. ഇത്തരം സൂപ്പ് ചോറുണ്ണുന്നതിന് മുമ്പ് കഴിക്കണം. വെജിറ്റബിള്‍ സൂപ്പ് കഴിക്കുമ്പോള്‍തന്നെ വയര്‍ നിറയുമെന്നതിനാല്‍ മറ്റ് ആഹാരം കുറയും. അമിതവണ്ണം ഇല്ലാ താകും.



പയറുവര്‍ഗങ്ങള്‍
ആരോഗ്യത്തോടെ നല്ല പയറു പോലെ നടക്കണമെങ്കില്‍ പയര്‍ വര്‍ഗങ്ങള്‍ ആഹാരശീലമാക്കുക. പ്രോട്ടീന്റെയും ആന്റി ഓക്‌സിഡന്റിന്റെയും നിറകുടങ്ങളാണ് പയര്‍, വന്‍പയര്‍, ചെറുപയര്‍, ഗ്രീന്‍പീസ്, ബീന്‍സ് തുടങ്ങി പയര്‍ കുടുംബത്തിലെ ഒരുവിധപ്പെട്ട എല്ലാ അംഗങ്ങളെയും നമുക്ക് ഭക്ഷിക്കാം. വണ്ണം കൂട്ടാന്‍ ആഗ്രഹിക്കുന്നവര്‍ തലേ ദിവസം രാത്രി വെള്ളത്തിലിട്ട് മുളപ്പിച്ച കടല രാവിലെ വെറും വയറ്റില്‍ കഴിക്കുന്നത് നല്ലതാണ്.


ഒഴിവാക്കേണ്ടവ
ഇതത്രയും വയര്‍ കുറയ്ക്കാന്‍വേണ്ടി
കഴിക്കാന്‍ കൊള്ളാവുന്ന ആഹാരങ്ങളാണ്.
അതുപോലെ തന്നെ വയര്‍
കുറയ്ക്കാന്‍വേണ്ടി ഒഴിവാക്കേണ്ട
ആഹാരങ്ങളുമുണ്ട്.പൊറോട്ട,
മാട്ടിറച്ചി (ബീഫ്), പന്നിയിറച്ചി, എണ്ണപ്പലഹാരങ്ങള്‍, ഉരുളക്കിഴങ്ങ്, കാര്‍ബണേറ്റഡ് ഡ്രിങ്‌സ് തുടങ്ങി
ഒട്ടുമിക്ക പുത്തന്‍പുതുഭക്ഷണങ്ങളും ആറുകട്ട മസില്‍ വയറിന്റെ ശത്രുക്കളാണ്. അതുകൊണ്ട്
വയറിനുള്ള വര്‍ക്ക്ഔട്ടിന് പുറമേ ഇത്തരം ഭക്ഷണങ്ങള്‍ ഒഴിവാക്കുന്നതും നല്ലതാണ്.


കടപ്പാട് : മാതൃഭൂമി

BY TANUJA RAMDAS

കാന്താരി മുളക് സൈനസ് പ്രശ്‌നത്തിന് പരിഹാരം

സൈനസ് സംബന്ധമായ ചില പ്രശ്‌നങ്ങള്‍ക്ക് കാന്താരി മുളക് പരിഹാരമെന്ന് പഠനം. കാന്താരി മുളകില്‍ നിന്നെടുത്ത ചില രാസപദാര്‍ഥങ്ങള്‍ ഉപയോഗിച്ച് നിര്‍മിച്ച മൂക്കില്‍ ഒഴിക്കുന്ന സ്‌പ്രേ സൈനസ് പ്രശ്‌നങ്ങള്‍ക്ക് വളരെയധികം ആശ്വാസമേകുമെന്നാണ് സിന്‍സിനാറ്റി യൂണിവേഴ്‌സിറ്റിയിലെ അലര്‍ജി ഗവേഷകന്‍ ജോനാഥന്‍ ബ്രെന്‍സ്റ്റീന്‍ പറയുന്നത്. കാന്താരി മുളകില്‍ അടങ്ങിയിരിക്കുന്ന കാപ്‌സാസിന്‍ എന്ന രാസവസ്തുവാണ് രോഗമുക്തിക്ക് സഹായിക്കുന്നത്. പല വേദനസംഹാരികളിലും ഉപയോഗിക്കുന്ന വസ്തുവാണ് കാപ്‌സാസിന്‍.

 

BY MAJID HUSSAIN

VITAMIN RICH FOOD

(കടപ്പാട് - Mathrubhumi Arogyam,Internet)


രോഗങ്ങളെ ചെറുക്കുന്ന ഒരുപാട് ഭക്ഷണസാധനങ്ങള്‍ ഉണ്ട്  ഇവയില്‍ ആരോഗ്യത്തിന് യോജിച്ചവ പരിചയപ്പെടുത്തുന്ന ഫീച്ചര്‍...

...
പോഷകത്തില്‍ മുമ്പന്‍ ഓട്‌സ്
പൊണ്ണത്തടി ഉള്‍പ്പെടെയുള്ള നിരവധി രോഗങ്ങളുടെ കാരണക്കാരനായ കൊഴുപ്പിനെ നിയന്ത്രിക്കാന്‍ ഫലപ്രദമായ ധാന്യമാണ് ഓട്‌സ്. ''നാരിന്റെ അംശം കൂടുതലുള്ള ഭക്ഷണങ്ങളില്‍ മുമ്പനാണ് ഓട്‌സ്. അരിയില്‍ രണ്ട് ശതമാനമാണ് നാരിന്റെ അളവ്. എന്നാല്‍ ഓട്‌സിലിത് മൂന്നര ശതമാനമാണ്.''  ഭക്ഷണത്തിലെ നാരിന്റെ അംശം രക്തത്തിലെ കൊളസ്‌ട്രോളിന്റെയും ഗ്ലൂക്കോസിന്റെയും ആഗിരണത്തെ തടഞ്ഞു നിര്‍ത്തി ഇവയുടെ അളവ് കുറയ്ക്കും. ഇതാണ് ഓട്‌സ് ചെയ്യുന്നതും.
ഓട്‌സ് തിളപ്പിക്കുമ്പോള്‍
ഓട്‌സ് ഉപയോഗിക്കുമ്പോള്‍ അളവ് കൂടാതിരിക്കാന്‍ ശ്രദ്ധിക്കണം. മറ്റ് ധാന്യങ്ങള്‍ ഉപയോഗിക്കുന്ന ഒരാള്‍ അതിന് ആനുപാതികമായേ ഓട്‌സ് ഭക്ഷണത്തില്‍ ഉള്‍പ്പെടുത്താവൂ. അമിതമായാല്‍ ഫലം വിപരീതമാവും. രാവിലെ മൂന്ന് ഇഡ്ഡലി കഴിക്കുന്നയാള്‍ ഓട്‌സിലേക്ക് മാറിയെന്നിരിക്കട്ടെ അയാള്‍ക്ക് അഞ്ച് ടേബിള്‍സ്പൂണ്‍ ഓട്‌സ് മതി. കഞ്ഞിയായും കുറുക്കായും ഓട്‌സ് പാചകം ചെയ്യാം. ഉപ്പുമാവിനും പലഹാരത്തിനും സൂപ്പിനുമെല്ലാം യോജിച്ചതാണ് ഓട്‌സ്.

ചിലര്‍ ഓട്‌സില്‍ പാലൊഴിച്ച് തിളപ്പിച്ച് കഴിക്കാറുണ്ട്. ഇങ്ങനെ കഴിക്കുമ്പോള്‍ കൂടുതല്‍ പാല് ആവശ്യമായി വരും. അതേപോലെ കൂടുതല്‍ കലോറി ഊര്‍ജവും ശരീരത്തിലെത്തും. പ്രമേഹമുള്ളവര്‍ക്ക് ഇത് ദോഷകരമാവാം. അവര്‍ ഓട്‌സ് വെള്ളത്തില്‍ അലിയിച്ചിട്ടേ തിളപ്പിക്കാവൂ. വെന്തുവരുമ്പോള്‍ മാത്രം പാലൊഴിക്കുക. ഇല്ലെങ്കില്‍ കൊഴുപ്പിന്റെ അളവ് കൂടും.


ചെറുപ്പം നിലനിര്‍ത്താന്‍ ഗ്രീന്‍ ടീ
ജപ്പാനിലും ചൈനയിലുമൊക്കെ ഒരു വിശ്വാസമുണ്ട്. എന്നും ചെറുപ്പമായിരിക്കാന്‍ ഗ്രീന്‍ ടീ കുടിച്ചാല്‍ മതിയെന്ന്.ഗ്രീന്‍ ടീ ശരീരത്തിന്റെ രോഗപ്രതിരോധം വര്‍ധിപ്പിക്കും. പ്രമേഹം, കൊളസ്‌ട്രോള്‍, രക്താദിസമ്മര്‍ദം എന്നിവയെ നിയന്ത്രിക്കാന്‍ ഈ ആന്റി ഓക്‌സിഡന്റുകള്‍ നല്ലതാണ്.

കയ്പ് മാറ്റാന്‍ ഏലക്ക
കയ്പ് മാറ്റാന്‍ ഗ്രീന്‍ ടീക്കൊപ്പം ഏലക്കയോ, ഗ്രാമ്പൂവോ ചേര്‍ത്താല്‍ മതി. ചിലര്‍ പഞ്ചസാരയും പാലുമൊക്കെ ചേര്‍ത്ത് ഗ്രീന്‍ ടീ തിളപ്പിക്കാറുണ്ട്. ഇത് ഗ്രീന്‍ ടീയുടെ ഗുണം നഷ്ടപ്പെടുത്തും. ഒരിക്കലും ഗ്രീന്‍ ടീ വെള്ളത്തിലിട്ട് തിളപ്പിക്കരുത്. തിളച്ചവെള്ളം ഒഴിക്കുകയേ ചെയ്യാവൂ.

ഗ്രീന്‍ ടീ ഉപയോഗിക്കുമ്പോള്‍ അളവ് കൂടാതിരിക്കാന്‍ ശ്രദ്ധിക്കണം. ഒരു ഗ്ലാസ് വെള്ളത്തിന് ഒരു ടീസ്പൂണ്‍ എന്ന തോതിലേ ഗ്രീന്‍ ടീ എടുക്കാവൂ. ദിവസം മൂന്നോ നാലോ ഗ്ലാസ് ഗ്രീന്‍ ടീ ഉപയോഗിക്കാം. കൂടുതല്‍ ഉപയോഗിച്ചാല്‍ ചിലപ്പോള്‍ വിശപ്പ് കുറയാനിടയുണ്ട്.

പ്രോട്ടീനില്‍ സോയ നമ്പര്‍ വണ്‍
ഏറ്റവുമധികം പ്രോട്ടീന്‍ തരുന്ന ഭക്ഷണമാണ് സോയ. 100 ഗ്രാം സോയയില്‍ 42 ഗ്രാം പ്രോട്ടീന്‍ അടങ്ങിയിട്ടുണ്ട്. വെജിറ്റേറിയന്‍ വിഭാഗത്തില്‍ ഏറ്റവുമധികം ഊര്‍ജം തരുന്ന ഭക്ഷണവും സോയയാണ്. ഏതു പ്രായത്തിലുള്ളവര്‍ക്കും സോയ അടങ്ങിയ ഭക്ഷണം തിരഞ്ഞെടുക്കാം.

സോയ സ്ഥിരമായി കഴിക്കുന്നവരുടെ ശരീരത്തില്‍ ഈസ്ട്രജന്‍ പോലുള്ള ഹോര്‍മോണുകളുടെ അളവ് കൂടും. ഇത് സ്ത്രീകള്‍ക്ക് ഏറെ നല്ലതാണ്. അസ്ഥിക്ഷയം(ഓസ്റ്റിയോപൊറോസിസ്) ഉള്‍പ്പെടെയുള്ള രോഗങ്ങളെ ഒരുപരിധിവരെ ചെറുക്കും.

പശുവിന്റെ പാല്‍ ചില കുട്ടികള്‍ക്ക് അലര്‍ജി വരുത്താറുണ്ട്. അത്തരക്കാര്‍ക്ക് സോയാമില്‍ക്ക് ഉത്തമമാണ്. പാല്‍ കുടിക്കാന്‍ മടിയുള്ള കുട്ടികള്‍ക്ക് സോയാമില്‍ക്കിന്റെ രുചി ഇഷ്ടപ്പെടും.

വെജിറ്റേറിയന്‍ വിഭാഗത്തിലെ ഉത്പന്നമാണെങ്കിലും നല്ലപോലെ മസാല ചേര്‍ത്ത് പാകം ചെയ്താല്‍ സോയയ്ക്ക് നോണ്‍ വെജിന്റെ രുചി കിട്ടും. പാചകത്തിന് അല്‍പ്പം അധികം സമയമെടുക്കുമെന്നതു മാത്രമാണ് ഏക ദോഷം. കൊച്ചുകുട്ടികള്‍ക്കും പ്രായമുള്ളവര്‍ക്കും നല്‍കുമ്പോള്‍ സോയയുടെ അളവ് കുറയ്ക്കണം. സോയാ പൗഡറാണെങ്കില്‍ 20 ഗ്രാം നല്‍കിയാല്‍ മതി. അധികമായാല്‍ വയറിളക്കം ഉള്‍പ്പെടെയുള്ള അസുഖങ്ങള്‍ വരാം.

പാചക എണ്ണകള്‍ നിരവധി
നമ്മുടെ ആഹാരത്തില്‍ 24-28 ശതമാനം വരെ ഊര്‍ജം ലഭിക്കുന്നത് വെളിച്ചെണ്ണയില്‍ നിന്നാണ്. ഇപ്പോള്‍ സൂര്യകാന്തി എണ്ണ, ഒലിവെണ്ണ, തവിടെണ്ണ തുടങ്ങിയവയ്ക്കും പ്രചാരമേറുന്നു. ഏത് എണ്ണ ഉപയോഗിച്ചാലും ദോഷങ്ങളുണ്ട്. അതേപോലെ ഗുണങ്ങളും. ഉദാഹരണത്തിന് ശരീരകോശങ്ങളുടെ പ്രവര്‍ത്തനങ്ങള്‍ക്കുപയോഗിക്കപ്പെടുന്ന അപൂരിത കൊഴുപ്പുകള്‍ വെളിച്ചെണ്ണയില്‍ കുറവാണ്. പക്ഷേ, നാല്പത് ശതമാനം ലോറിക് ആസിഡ് അടങ്ങിയിട്ടുണ്ട്. ഇത് കുട്ടികളുടെ വളര്‍ച്ചയ്ക്ക് സഹായിക്കും. എന്നാല്‍ സൂര്യകാന്തി എണ്ണ, എള്ളെണ്ണ, തവിടെണ്ണ എന്നിവയില്‍ അപൂരിത കൊഴുപ്പ് കൂടുതലുണ്ട്. നല്ലത് ഒന്നിലധികം എണ്ണകള്‍ കരുതലോടെ ഭക്ഷണത്തിലുള്‍പ്പെടുത്തുക എന്നതാണ്. ദിവസം രണ്ട് കറിയുണ്ടാക്കുകയാണെന്നിരിക്കട്ടെ. ഒരെണ്ണത്തില്‍ വെളിച്ചെണ്ണ ഉപയോഗിക്കാം, അടുത്തതില്‍ സൂര്യകാന്തിയെണ്ണയോ തവിടെണ്ണയോ ഒലിവെണ്ണയോ ചേര്‍ക്കാം. ഒരെണ്ണത്തിന്റെ ദോഷം മറ്റേത് കുറയ്ക്കും.

കുറച്ചുമതി മധുരവും കൊഴുപ്പും
ചിലര്‍ പഴങ്ങളും പച്ചക്കറികളുമൊക്കെ ചൂടുവെള്ളത്തില്‍ കഴുകുന്നത് കണ്ടിട്ടുണ്ട്. കീടനാശിനി കളയാനുള്ള സുരക്ഷിതമാര്‍ഗമെന്ന ധാരണയിലാണ് ഇങ്ങനെ ചെയ്യുന്നത്.
പക്ഷേ, ചൂടുവെള്ളം പച്ചക്കറികളുടെ സ്വാഭാവിക പോഷണങ്ങള്‍ നഷ്ടപ്പെടുത്തുന്നു. അതുകൊണ്ട് പഴങ്ങളും പച്ചക്കറികളും പൈപ്പ് തുറന്നിട്ട് വെള്ളത്തില്‍ കഴുകുക. ഉപ്പുവെള്ളത്തില്‍ കഴുകുന്നതും നല്ലതാണ്. മുന്തിരിയൊക്കെ ചൂട് വെള്ളത്തിലിട്ടാല്‍ ചുളിഞ്ഞു പോവും.

പാസ്ത, മക്രോണി തുടങ്ങി എളുപ്പം പാചകം ചെയ്യാവുന്ന നിരവധി ഉത്പന്നങ്ങള്‍ വിപണിയിലുണ്ട്. ഇവയില്‍ തവിടിന്റെ അംശം തീരെ ഇല്ല. ഗോതമ്പ് നന്നായി റിഫൈന്‍ഡ് ചെയ്ത് മൈദപോലെ തന്നെയാണ് ഇവയും നിര്‍മിക്കുന്നത്. അതുകൊണ്ട് പ്രത്യേകിച്ച് പോഷകങ്ങളൊന്നും ശരീരത്തിന് കിട്ടുന്നില്ല.

ചപ്പാത്തി ചുട്ടെടുക്കുമ്പോള്‍ ചിലപ്പോള്‍ അരികുകളൊക്കെ വെള്ള നിറത്തിലാവുന്നത് ശ്രദ്ധിച്ചിട്ടുണ്ടോ. മൈദ കൂടെ ചേര്‍ത്ത ഗോതമ്പാണ് നിങ്ങള്‍ ഉപയോഗിച്ചതെന്ന് സംശയിക്കണം. വീട്ടില്‍ തന്നെ പൊടിച്ചെടുത്ത ഗോതമ്പാണ്. ഏറ്റവും നല്ലത്.

ചിലര്‍ പറയുന്നത് കേട്ടിട്ടുണ്ട്. വെള്ളം കൂടുതല്‍ കുടിച്ചാല്‍ ദോഷമാണെന്ന്. ഇതു ശരിയല്ല. ദിവസം 8-10 ഗ്ലാസ് വെള്ളമെങ്കിലും കുടിക്കണം. അധികമായാല്‍ അത് ശരീരം കളഞ്ഞുകൊള്ളും. എന്നാല്‍ വൃക്കരോഗങ്ങള്‍, ഹൃദയത്തകരാറുകള്‍ എന്നിവ ഉള്ളവര്‍ വെള്ളത്തിന്റെ അളവ് നിയന്ത്രിക്കണം.

ശരീരത്തിന് 40 വ്യത്യസ്ത തരം പോഷകങ്ങള്‍ വേണമെന്ന് പറയാറുണ്ട്. ഒറ്റ ഭക്ഷണത്തില്‍ നിന്ന് ഇവയെല്ലാം കിട്ടില്ല. ധാന്യം, പഴങ്ങള്‍, പച്ചക്കറികള്‍, മത്സ്യം, മാംസം എന്നിങ്ങനെ വൈവിധ്യമുള്ള ഭക്ഷണമാണ് ആവശ്യം. കൂടുതല്‍ അളവില്‍ വേണ്ടത് പഴങ്ങള്‍/പച്ചക്കറികള്‍ ആണ്. അതുകഴിഞ്ഞ് മതി മീനും ഇറച്ചിയും. ഏറ്റവും കുറച്ചു വേണ്ടതാണ് മധുരവും കൊഴുപ്പും.

 

BY SANTHOSH MOHAN

 

FOOD HABITS

(കടപ്പാട് - Mathrubhumi Arogyam,ഡോ. രാമകൃഷ്ണന്‍ ദ്വരസ്വാമി,Internet)

ഭക്ഷണം ഏതുപ്രകാരം
         ഓരോരുത്തരും ദഹനശേഷിയനുസരിച്ച് അമിതമാവാതെയും വിരുദ്ധമാവാതെയും പോഷകാംശമുള്ള ഭക്ഷണ പദാര്‍ഥങ്ങളാണ് കഴിക്കേണ്ടത്.
        അമൃതിനു തുല്യമായ മുലപ്പാല്‍ ശിശുവിന് എന്നപോലെ പോഷകസമ്പുഷ്ടമായ ആഹാരം ഊര്‍ജത്തിന്റെ ഉറവിടമാണ്. നല്ലഭക്ഷണം കഴിക്കണം എന്നത് വാസ്തവം തന്നെ. എന്നാല്‍, അതു രുചിയുടെ അടിസ്ഥാനത്തിലല്ല നിര്‍ണയിക...്കപ്പെടേണ്ടത്. മറിച്ച് ഭക്ഷണത്തിലെ ഔഷധഗുണങ്ങളെ അടിസ്ഥാനപ്പെടുത്തിയായിരിക്കണം.

       ആയുര്‍വേദം അനുശാസിക്കുന്നത് നേരത്തേ കഴിച്ചിരുന്ന ആഹാരം ദഹിക്കുന്നതുവരെ മറ്റൊന്നും കഴിക്കരുത് എന്നാണ്. എന്നാല്‍, ആഹാരം ദഹിച്ചു എന്ന് നാം എങ്ങനെ മനസ്സിലാക്കും. മുന്‍പ് കഴിച്ച ആഹാരത്തിന്റെ രുചിയോ ഗന്ധമോ ഇല്ലാത്ത തികട്ടലുണ്ടാവുക, ശരീരത്തിന് ലഘുത്വം തോന്നുക, മലമൂത്രങ്ങള്‍ യഥാവിധി വിസര്‍ജിക്കുക, മനസ്സ് സ്വസ്ഥമാവുക തുടങ്ങിയവയാണ് ആഹാരം ദഹിച്ചതിന്റെ ലക്ഷണങ്ങള്‍.

ആമാശയത്തിന്റെ പകുതിഭാഗം ആഹാരംകൊണ്ടും കാല്‍ഭാഗം വെള്ളംകൊണ്ടും നിറയ്ക്കണമെന്നും ബാക്കിവരുന്ന കാല്‍ഭാഗം ഒഴിച്ചിടണം എന്നുമാണ് ശാസ്ത്രവിധി. ആഹാരത്തോടൊപ്പം വെള്ളം കുടിക്കുമ്പോഴും ശ്രദ്ധിക്കേണ്ടതുണ്ട്.
ചെറുചൂടുള്ള വെള്ളമാണ് കുടിക്കേണ്ടത്. അമിതവണ്ണമുള്ളവര്‍ ഭക്ഷണത്തിന് മുന്‍പ് കുറച്ചുവെള്ളം കുടിക്കുന്നത് വിശപ്പ് കുറയ്ക്കുമെന്നതിനാല്‍ ഭക്ഷണത്തിന്റെ അളവ് കുറയ്ക്കാന്‍ സഹായിക്കും. ദേഹപുഷ്ടി വേണ്ടവര്‍ ആഹാരത്തിനുശേഷം വെള്ളം കുടിക്കണം. 
ദാഹത്തിന് ചെറുചൂടോടുകൂടിയ തിളപ്പിച്ച വെള്ളം, ഇളനീര്‍, പഴച്ചാറുകള്‍, പച്ചക്കറി സൂപ്പുകള്‍, വെള്ളം ചേര്‍ത്ത് കാച്ചിയ ചെറുചൂടുള്ള പാല്, മോര് എന്നിവയൊക്കെ ഉപയോഗിക്കേണ്ടതാണ്.
ഭക്ഷണം എത്രമാത്രം
ദഹനശക്തിയും ദേഹപ്രകൃതിയും കാലാവസ്ഥയും അനുസരിച്ചുവേണം ഭക്ഷണത്തിന്റെ അളവ് നിശ്ചയിക്കേണ്ടത്. ഉദാഹരണമായി
അമിതവണ്ണമുള്ളവര്‍ മേദസ്സിനെ വര്‍ധിപ്പിക്കുന്നതായ മധുരപലഹാരങ്ങള്‍, പുളിപ്പിച്ചുണ്ടാക്കുന്ന സാധനങ്ങള്‍, ഐസ്‌ക്രീം, നെയ്യ്, പാല്, തൈര്, ഉഴുന്ന് എന്നിവ അല്പം മാത്രമായിട്ടേ ഉപയോഗിക്കാവൂ. അവര്‍ തേന്‍, ഗോതമ്പ്, മുതിര, ചെറുപയര്‍, കയ്പുരസവും ചവര്‍പ്പുരസവുമുള്ള പച്ചക്കറികള്‍, കുരുമുളക്, പഴയ ധാന്യങ്ങള്‍, മോര്, നെല്ലിക്ക എന്നിവ ഉപയോഗിക്കുന്നത് ശരീരഭാരത്തെ കുറയ്ക്കാന്‍ സഹായിക്കും.
പഴവര്‍ഗങ്ങള്‍ തിരഞ്ഞെടുക്കുമ്പോഴും ശ്രദ്ധിക്കേണ്ടതുണ്ട്. നേന്ത്രപ്പഴം, മാങ്ങ, സപ്പോട്ട, ചക്ക, മുന്തിരി, ഈന്തപ്പഴം തുടങ്ങിയവ എല്ലാം ശരീരഭാരം വര്‍ധിപ്പിക്കുന്നപക്ഷം കൂടുതല്‍ മധുരമുള്ളവയുമാണ്. ഇവയുടെ അധികം ഉപയോഗം അമിതവണ്ണമുള്ളവര്‍ക്ക് പ്രമേഹം തുടങ്ങിയ രോഗങ്ങള്‍ വരുത്തിവെച്ചേക്കും. എന്നാല്‍ ആപ്പിള്‍, ഓറഞ്ച്, പപ്പായ, പേരയ്ക്ക എന്നീ ഫലങ്ങള്‍ എല്ലാവര്‍ക്കും ഉപയോഗിക്കാവുന്നതാണ്. 
മെലിഞ്ഞ ശരീരപ്രകൃതിക്കാര്‍ ശരീരപുഷ്ടി ഉണ്ടാക്കുവാനായി നെയ്യ്, പാല്‍, മാംസരസം (സൂപ്പ്) എന്നിവ ദഹനത്തിനനുസരിച്ച് കൂടുതലായി ഉപയോഗിക്കുന്നത് ഉചിതമായിരിക്കും.

വിരുദ്ധാഹാരം: ആഹാരപദാര്‍ഥങ്ങളെ കൂട്ടിച്ചേര്‍ക്കുമ്പോഴോ പാകപ്പെടുത്തുമ്പോഴോ ഉണ്ടാകുന്ന വൈരുധ്യം പലപ്പോഴും ശരീരത്തിന് ദ്രോഹമായിത്തീരുന്നു. വിരുദ്ധമായ ചേരുവകള്‍ ശരീരത്തില്‍ ഒരുതരം വിഷാംശത്തെ ഉണ്ടാക്കുകയും കാലക്രമേണ ത്വഗ്രോഗങ്ങള്‍, വാതരക്തം തുടങ്ങിയ നിരവധി രോഗങ്ങള്‍ക്ക് കാരണമായിത്തീരുകയും ചെയ്യുന്നു.
ഒഴിവാക്കേണ്ട വിരുദ്ധാഹാരങ്ങള്‍

 മത്സ്യത്തിന്റെ കൂടെ ഉഴുന്ന്, പാല്, തേന്‍, മോര് തുടങ്ങിയവ ഭക്ഷിക്കുന്നത്.  പുളിരസമുള്ള പദാര്‍ഥങ്ങളും പാലും ചേര്‍ത്ത് സേവിക്കുന്നത്.  പച്ചക്കറികള്‍ കഴിച്ചയുടനെ പാല് കഴിക്കുന്നത്.  കോഴിയിറച്ചിയും തൈരും ചേര്‍ത്ത് കഴിക്കുന്നത്.  മോരോ തൈരോ വാഴപ്പഴത്തോടുചേര്‍ത്ത് ഉപയോഗിക്കുന്നത്.  തേനും നെയ്യും സമമായി ചേര്‍ത്തുപയോഗിക്കുന്നത്. ശരീരത്തെ താങ്ങിനിര്‍ത്തുന്ന മൂന്ന് തൂണുകളാണ് ആഹാരം, നിദ്ര, അബ്രഹ്മചര്യം എന്നിവ

BY SANTHOSH MOHAN

MAIDA...

മൈദ എന്ന മഹാ വിപത്തിനെ കുറിച്ച് സ്വാമി നിര്‍മലാനന്ദ ഗിരി പലപ്പോഴായി, പല ഇടങ്ങളില്‍ ആയി നടത്തിയ ആരോഗ്യ പ്രഭാഷണങ്ങളില്‍ നിന്ന് പ്രചോദനം ഉള്‍ക്കൊണ്ടു കേരളത്തില്‍ പല ഇടങ്ങളില്‍ ആയി സാമൂഹിക പ്രതി ബദ്ധത ഉള്ള കുറെ മനുഷ്യര്‍ തുടങ്ങി വെച്ച അവബോധന പ്രക്രിയയുടെ ഭാഗമായി ഉണ്ടായതാണ് ഈ ലഖു പുസ്തകം. ആരോഗ്യം കാംക്ഷിക്കുന്ന ഓരോ വ്യക്തിയും ഇത് വായിക്കണം. ഇതില്‍ ചില്ലറ തെറ്റുകള്‍ ഒക്കെ ഉണ്ട്. മലയാളിയുടെ സ്ഥിരം വിമര്‍ശന ബുദ്ധി മാറ്റി വെച്ച് ഇതിന്‍റെ സത്ത മനസ്സിലാകുക.

മദ്യം വിഷം തന്നെ.. മൈദ അതിനെക്കാളും കൊടിയ വിഷം ആണ്...

"മൈദ-പന്മാരും, പൊറോട്ട-ന്മാരും" സൂക്ഷിക്കുക. നിങ്ങളുടെ ആരോഗ്യം അപകടത്തില്‍ ആണ്.
മൈദ എന്ന വിഷം
www.scribd.com
Scribd is the world's largest social reading and publishing site...

BY SHIBHU K BHASKARAN

WATER MELONS

മഴ മാറി ചൂട് തുടങ്ങിയപ്പോ പുതിയൊരു കച്ചവടവും തുടങ്ങീ....
ച്ചുടിനു നല്ലതാ.....തണ്ണി മത്തന്‍.....
ഞങള്‍ (മലപ്പുറം) നല്ല മലയാളത്തില്‍ "വത്തക്ക " ഏന്നും പറയും.....

 

BY SUNILVK MOHAMED ALI

അമിതവണ്ണക്കാരേ ഇതിലേ...

(കടപ്പാട് - മാതൃഭൂമി ആരോഗ്യം )

അമിതവണ്ണം കുറയ്ക്കാന്‍ മരുന്നും മന്ത്രവുമല്ല, ചിട്ടയായ വ്യായാമവും ഭക്ഷണക്രമവുമാണ് ആവശ്യം. എല്ലാ പ്രായക്കാര്‍ക്കും യോജിച്ച നല്ലൊരു ആരോഗ്യപാക്കേജ് വിദഗ്ധര്‍ സമര്‍പ്പിക്കുന്നു...

... ഇത്തിരി ഷുഗര്‍ കൂടുതലാണ്, കൊളസ്‌ട്രോള്‍ വക്കിലാണ് എന്നെല്ലാം ഡോക്ടര്‍ പറയുമ്പോഴാണ് പലരും വ്യായാമത്തെക്കുറിച്ച് ചിന്തിക്കുക. അതുമല്ലെങ്കില്‍ വണ്ണംകൂടി ശരീരത്തിന്റെ ഭംഗി നഷ്ടപ്പെടുമ്പോള്‍. അല്‍പം മനസ്സുവെച്ചാല്‍ നഷ്ടപ്പെട്ടതെല്ലാം തിരിച്ചെടുക്കാവുന്നതേയുള്ളൂ. അമിതവണ്ണമാണ് പ്രശ്‌നമെങ്കില്‍ ആദ്യം ഭക്ഷണക്രമീകരണത്തിലൂടെ കൊഴുപ്പ് കുറയ്ക്കണം. തുടര്‍ന്ന് വ്യായാമത്തിലൂടെ ശരീരത്തെ ഒരു തൂവല്‍പ്പോലെ മിനുക്കിയെടുക്കാം. ആരോഗ്യപ്രശ്‌നങ്ങളുള്ളവരാണെങ്കില്‍ മരുന്നിനും ചികിത്സയ്ക്കുമൊപ്പം ഡോക്ടറുടെ നിര്‍ദേശാനുസരണം ഉചിതമായ വ്യായാമങ്ങള്‍ ചെയ്തുതുടങ്ങണം.

ഇനി വൈകിക്കേണ്ട
നടക്കുമ്പോള്‍ പതിവില്ലാത്തവണ്ണം കിതപ്പ് വരിക, എപ്പോഴും എവിടെയെങ്കിലും ചടഞ്ഞിരിക്കാന്‍ തോന്നുക... ഇനി വ്യായാമം കൂടിയേ തീരൂ എന്ന് തീരുമാനിക്കാന്‍ ഇത്രയും കാരണങ്ങള്‍ ധാരാളം. അമിതവണ്ണം കണ്ടുപിടിക്കാന്‍ ശാസ്ത്രീയമാര്‍ഗമുണ്ട്. അതാണ് ബി.എം.ഐ. എന്നറിയപ്പെടുന്ന ബോഡി മാസ് ഇന്‍ഡക്‌സ്. ഉയരത്തിനനുസരിച്ച് ഒരാള്‍ക്ക് എത്ര വണ്ണം ആവാം എന്ന് ഇതുവഴി മനസ്സിലാക്കാം. ശരീരഭാരം കിലോഗ്രാമില്‍ കണക്കാക്കുക. ആ സംഖ്യയെ ഉയരത്തിന്റെ സ്‌ക്വയര്‍ (മീറ്ററില്‍) കൊണ്ട് ഹരിക്കണം. കിട്ടുന്ന സംഖ്യയാണ് ബി.എം.ഐ. ഇതനുസരിച്ച് ശരീരഭാരം ക്രമീകരിച്ചാല്‍ പിന്നെ ആകാരഭംഗിയിലേക്ക് അധികം ദൂരമില്ല.

അന്‍പത് കിലോഗ്രാം തൂക്കമുള്ള ഒരു സ്ത്രീക്ക് ഒരു മീറ്ററും അന്‍പത്തഞ്ച് സെന്റീമീറ്ററുമാണ് ഉയരം. അപ്പോള്‍ അവരുടെ ബി.എം.ഐ. 50/1.55ഃ1.55 = 50/2.4 = 20.83 ആകുന്നു. ബി.എം.ഐ. 20-നും 25-നും ഇടയിലാണെങ്കില്‍ അതാണ് ഏറ്റവും മികച്ച ആരോഗ്യകരമായ വണ്ണം. ബി.എം.ഐ. 25-നും 30-നും ഇടയില്‍ വന്നാല്‍ വ്യായാമം തുടങ്ങണം. 30-തിന് മുകളിലാണെങ്കില്‍ അത് അമിതവണ്ണം തന്നെ. പെട്ടെന്നുതന്നെ വണ്ണം കുറയ്ക്കാനുള്ള പ്രതിവിധികള്‍ തേടുക. ആദ്യം ഒരു ഡോക്ടറെ കണ്ട് മറ്റ് ആരോഗ്യപ്രശ്‌നങ്ങള്‍ വല്ലതും ഉണ്ടോ എന്ന് പരിശോധിക്കുകയും വേണം.

യൗവനത്തില്‍ ശരീരഭാരത്തിന്റെ 17-23 ശതമാനം വരെ കൊഴുപ്പായിരിക്കും. ഈ അളവ് ഉയരുമ്പോഴുള്ള അവസ്ഥയാണ് അമിതവണ്ണം. കൊഴുപ്പ് ആവശ്യമുള്ളതിലും കുറയുന്നത് അനാരോഗ്യകരമായ മെലിയലിന് കാരണമാകും.

അടിവയര്‍ കുറയ്ക്കാം
എത്ര സുന്ദരിയായാലും അടിവയര്‍ ചാടിക്കണ്ടാല്‍ അതൊരു സുഖമുള്ള കാര്യമല്ല. ബനിയന്‍ തുണിയിലുള്ള മോഡേണ്‍ ടോപ്പുകള്‍ പ്രത്യേകിച്ചും അമിതവണ്ണത്തെ എടുത്തുകാട്ടും. ശരീരത്തിന്റെ ആവശ്യത്തില്‍ കവിഞ്ഞുള്ള കൊഴുപ്പ് വയര്‍, കൈവണ്ണ, തുടകള്‍, അരക്കെട്ട് എന്നിവിടങ്ങളിലാണ് സൂക്ഷിക്കപ്പെടുന്നത്. പേശികള്‍ അധികമില്ലാത്തതിനാല്‍ ഈ ഭാഗങ്ങള്‍ വണ്ണംവെച്ച് പുറത്തേക്ക് തള്ളിനില്‍ക്കാന്‍ തുടങ്ങുന്നു. ഇതാണ് വയര്‍ ചാടുന്നതിനും മറ്റു ഭാഗങ്ങളിലെ അമിത വണ്ണത്തിനും കാരണമാകുന്നത്.

ഭക്ഷണക്രമീകരണവും വ്യായാമവും ചെയ്താല്‍ ആറു മാസംകൊണ്ട് അടിവയര്‍ കുറയ്ക്കാനാവും. കലോറി കുറഞ്ഞ ഇലക്കറികള്‍, പച്ചക്കറികള്‍, ഫ്രൂട്ട്‌സ് എന്നിവ ഭക്ഷണത്തില്‍ കൂടുതലായി ഉള്‍പ്പെടുത്തണം. ധാന്യങ്ങളും മധുരപദാര്‍ഥങ്ങളും കുറയ്ക്കണം.

ശ്വാസോച്ഛ്വാസത്തിന് പ്രാധാന്യം നല്‍കുന്ന കാര്‍ഡിയോ വ്യായാമങ്ങളാണ് ആവശ്യം. യോഗാഭ്യാസത്തില്‍ 'സൂര്യനമസ്‌കാരം' വളരെ ഗുണം ചെയ്യും. ശ്വസനത്തിന് പ്രാധാന്യമുള്ള നടത്തം, നീന്തല്‍, ജോഗിങ്, സ്‌കിപ്പിങ്, സൈക്കളിങ് തുടങ്ങിയ കാര്‍ഡിയോ വ്യായാമങ്ങളും നല്ലതാണ്.
സൗകര്യംപോലെ ഇവയില്‍ ഏതെങ്കിലുമൊന്ന് തിരഞ്ഞെടുക്കാം. നടക്കുമ്പൊഴും കിടക്കുമ്പോഴും വയര്‍ ഉള്ളിലേക്ക് വലിച്ചു പിടിക്കാന്‍ ശ്രമിച്ചുനോക്കൂ. വയര്‍ അമര്‍ന്നുകിട്ടാന്‍ ഈ പരിശീലനവും ഗുണം ചെയ്യും.

യോഗാഭ്യാസത്തിലൂടെ ദേഹം ഏറ്റവും അയവുള്ളതും ആരോഗ്യകരവുമായിത്തീരും. എന്നാല്‍ ദേഹത്തിന് അല്‍പം ബലം കൂടി ഉണ്ടെങ്കിലേ അധ്വാനിക്കാന്‍ കഴിയൂ. മാത്രമല്ല, പേശികള്‍ക്ക് ദൃഢതയാണ് സൗന്ദര്യം. യോഗയിലൂടെ വയര്‍ കുറയും. അതിനൊപ്പം പേശികള്‍ക്ക് ബലം നല്‍കാനുള്ള ലൈറ്റ് വെയിറ്റ് ട്രെയിനിങ് കൂടി ഉണ്ടായാല്‍ ശരീരം നല്ല ഷെയിപ്പ് ഉള്ളതാവും. ചെറിയ ഭാരക്കട്ടകള്‍ ഉപയോഗിച്ചുള്ള വ്യായാമങ്ങളാണ് ലൈറ്റ് വെയിറ്റ് ട്രെയിനിങ്ങുകള്‍. നല്ലൊരു ലൈറ്റ് വെയിറ്റ് ട്രെയിനിങ്ങാണ് 'ക്രഞ്ചസ്'.

ആദ്യം ശാന്തമായി മലര്‍ന്നു കിടക്കുക. കൈകള്‍ തലയ്ക്ക് താങ്ങായി വെക്കണം. ഇനി കാല്‍മുട്ടുകള്‍ മടക്കുക. ശ്വാസം പുറത്ത് വിട്ടുകൊണ്ട് കൈകള്‍ വിടാതെ ചുമല്‍ മുന്നോട്ടേക്ക് ഉയര്‍ത്തുക. ശ്വാസം വിട്ടുകൊണ്ട് ചുമല്‍ താഴ്ത്തുക. കഴുത്തിന് അമിതമായി ബലം നല്‍കരുത്. വയര്‍ വേദനിക്കുംവരെ 'ക്രഞ്ചസ്' ആവര്‍ത്തിക്കുക. ഏറ്റവും കുറഞ്ഞത് പത്ത് പ്രാവശ്യമെങ്കിലും ചെയ്യുക.

ക്രഞ്ചസ് ചെയ്യുമ്പോള്‍ അടിവയറിലെ പേശികള്‍ ബലവത്താകുന്നു. ഈ വ്യായാമത്തില്‍ എതിര്‍ഭാഗം (റിവേഴ്‌സ് ക്രഞ്ചസ്) കൂടി ചെയ്ത് പിന്‍ഭാഗത്തുകൂടി ബലം നല്‍കേണ്ടതുണ്ട്. ലൈറ്റ് വെയിറ്റ് വ്യായാമങ്ങള്‍ ട്രെയിനറുടെ സഹായത്തോടെ ചെയ്യുന്നതാണ് നല്ലത്.

കാലുകള്‍ ടോണ്‍ ചെയ്യാം
ശരീരത്തിന്റെ മുകള്‍ഭാഗത്ത് വണ്ണം കൂടുമ്പോഴാണ് കാലുകള്‍ നേര്‍ത്തതുപോലെ തോന്നുക. അമിതമായ കൊഴുപ്പ് കുറയ്ക്കുകതന്നെയാണ് ഇതിന് പ്രതിവിധി. ഇതോടൊപ്പം കാലുകള്‍ ബലവത്താകാന്‍ ടോണ്‍ ചെയ്യുകയും വേണം. സ്‌ക്വാട്ട്, ലഞ്ചസ്, അബ്ഡക്ഷന്‍ എന്നീ വെ യിറ്റ് ട്രെയിനിങ്ങുകള്‍ ഇതിനായി പരിശീലിക്കാം. നടത്തവും സൈക്കിളിങ്ങും കാലുകള്‍ക്ക് ബലം നല്‍കാന്‍ സഹായിക്കുന്ന മികച്ച വ്യായാമങ്ങളാണ്.


തടിച്ച കൈവണ്ണ
തടിച്ച കൈവണ്ണകള്‍ കാഴ്ചയ്ക്ക് അഭംഗിയാണ്. കൈവീശിയുള്ള നടത്തം കൈവണ്ണയ്ക്ക് ദൃഢത നല്‍കും. കൈകള്‍ സാവധാനത്തില്‍ മുകളിലേക്കും താഴേക്കും പിറകിലേക്കും മുമ്പിലേക്കുമായി ചലിപ്പിക്കുന്നത് മറ്റൊരു വ്യായാമമാണ്.

ഇടുപ്പിന് അഴക്
വടിവൊത്ത ഇടുപ്പും അരക്കെട്ടും നേടാന്‍ യോഗാഭ്യാസത്തിലെ സൂര്യനമസ്‌കാരം പരിശീലിക്കുന്നത് ഗുണം ചെയ്യും. 5-10 പ്രാവശ്യം സൂര്യനമസ്‌കാരം ചെയ്യണം. സ്‌കിപ്പിങ്, ജമ്പിങ് തുടങ്ങിയ വ്യായാമങ്ങള്‍ പുറകുവശത്തിലെയും ഇടുപ്പിലെയും അമിതമായ കൊഴുപ്പ് കുറയ്ക്കാന്‍ സഹായിക്കും. ഇവ വീട്ടില്‍ത്തന്നെ പ്രത്യേകിച്ച് ചെലവില്ലാതെ ചെയ്യാവന്നതാണ് എന്ന ഗുണവുമുണ്ട്.

വീട്ടുജോലി വ്യായാമമോ?
അരയ്ക്കുകയും മുറ്റം തൂക്കുകയും നിലം തുടയ്ക്കുകയും ചെയ്യുന്നതൊന്നും വ്യായാമത്തിന്റെ പരിധിയില്‍ വരുന്നില്ല. അതിനര്‍ഥം അവ ഗുണകരമല്ല എന്നല്ല. ഊര്‍ജം ചെലവഴിക്കുന്ന ശാരീരികപ്രവര്‍ത്തികള്‍ മാത്രമാണവ. പേശികള്‍ക്കും അസ്ഥികള്‍ക്കും ചലനം കിട്ടാന്‍ അവ തീര്‍ച്ചയായും സഹായിക്കുന്നുണ്ട്. ശരീരത്തിന് കാര്യക്ഷമത കിട്ടാന്‍ ശരിയായ വ്യായാമങ്ങള്‍ തന്നെ ചെയ്യണം.

പ്രസവത്തിന് മുന്‍പും പിന്‍പും
ഗര്‍ഭകാലത്ത് കഠിനവ്യായാമങ്ങള്‍ അരുത്. പകരം കൈകള്‍ക്കും കാലുകള്‍ക്കും ചലനം സുഗമമാക്കുന്ന യോഗമുറകള്‍ ചെയ്യാം.
ശ്വസനത്തിന് പരമാവധി പ്രാധാന്യം നല്‍കുന്ന 'പ്രാണായാമം' വളരെ ഗുണകരമായിരിക്കും. പ്രസവശേഷം 25 ദിവസം കഴിഞ്ഞ്, ലഘുവ്യായാമങ്ങള്‍ തുടങ്ങാം. നടത്തവും നീന്തലുമാണ് ഈ ഘട്ടത്തില്‍ ഏറ്റവും അനുയോജ്യം. സിസേറിയന്‍ ചെയ്തവരാണെങ്കില്‍ മുറിവ് ശരിയായി ഉണങ്ങിയെന്ന് ഉറപ്പ് വരുത്തിയിട്ടേ വ്യായാമം തുടങ്ങാവൂ. പ്രസവശേഷമുള്ള ചാടിയ വയര്‍ ചുരുക്കാന്‍ ക്രഞ്ചസ്, സൂര്യനമസ്‌കാരം എന്നിവയും പരിശീലിക്കാം.

ജോലിസ്ഥലത്തും ചെറുവ്യായാമങ്ങള്‍
സമയമുള്ളവര്‍ക്ക് വൈകീട്ടോ രാവിലെ പ്രഭാതഭക്ഷണത്തിന് മുന്‍പോ വ്യയാമങ്ങള്‍ ചെയ്യാം. ഉദ്യോഗസ്ഥകളാണെങ്കില്‍ അതിരാവിലെയൊ രാത്രി ഭക്ഷണത്തിനു മുന്‍പോ സമയം കണ്ടെത്തുന്നതാവും നല്ലത്. ജോലിസ്ഥലത്ത് വെച്ചും ചെറിയ വ്യായാമങ്ങള്‍ ചെയ്യാം. ലിഫ്ട് ഒഴിവാക്കി കോണിപ്പടി കയറുക, കുറച്ച് അകലങ്ങളിലേക്ക് ഓട്ടോറിക്ഷ ഒഴിവാക്കി നടക്കുക എന്നിങ്ങനെ.

കമ്പ്യൂട്ടറിന് മുന്നില്‍ ദീര്‍ഘനേരം ഇരിക്കുന്നവര്‍ ഇടയ്ക്ക് എഴുന്നേറ്റ് ദേഹം സ്‌ട്രെച്ച് ചെയ്യുക. ശരീരം നിവര്‍ത്തി കാല്‍വിരലുകളൂന്നി ഉയര്‍ന്നു നില്‍ക്കുന്നത് നല്ലൊരു സ്‌ട്രെച്ചിങ് രീതി ആണ്. കൂടാതെ തല ഇരുവശത്തേക്കും പതിയെ ചലിപ്പിക്കുന്നതും ദ്യഷ്ടി ഇരുവശത്തേക്കും ചലിപ്പിക്കുന്നതും നല്ലതാണ്. കഴുത്തിനും കണ്ണുകള്‍ക്കും വരാവുന്ന അസ്വസ്ഥതകള്‍ക്കെതിരെയുള്ള മുന്‍കരുതലാണ് ഇത്തരം ചെറുവ്യായാമങ്ങള്‍.

ഇരിക്കുമ്പോള്‍ നമ്മുടെ നട്ടെല്ലിലെ മര്‍ദം കൂടുന്നു. ഒരു മണിക്കൂറില്‍ അധികം ഒരേ ഇരിപ്പ് പാടില്ല. ഇടയ്ക്ക് എഴുന്നേറ്റ് നടക്കണം. നിന്നു ചെയ്യാവുന്ന ജോലികളാണ് ഇരുന്നു ചെയ്യുന്ന ജോലികളേക്കാള്‍ ആരോഗ്യകരം. നില്‍ക്കുമ്പോള്‍ നട്ടെല്ലിലുള്ള മര്‍ദം പാതിയായി കുറയുന്നു. കിടക്കുമ്പോഴാണ് നട്ടെല്ലിന് ഏറ്റവും സുഖകരമായ അവസ്ഥലഭിക്കുന്നത്. യോഗയിലെ 'ശവാസനം' മികച്ച റിലാക്‌സിങ് പരിശീലനമാണ്.


തുടക്കക്കാര്‍ ശ്രദ്ധിക്കണം
പ്രത്യേകിച്ച് ആരോഗ്യപ്രശ്‌നങ്ങളൊന്നുമില്ലെന്ന് ഉറപ്പുവരുത്തി വേണം വ്യായാമം ചെയ്യാന്‍. തുടക്കത്തില്‍ ആഴ്ചയില്‍ അഞ്ചു ദിവസം വ്യായാമം ആവാം. മുന്നു ദിവസം കാര്‍ഡിയോ വ്യായാമങ്ങളും (നടത്തം, യോഗ, നീന്തല്‍, സൈക്കിളിങ്...) രണ്ടു ദിവസം ലൈറ്റ് വെയിറ്റ് ട്രെയിനിങ്ങുകളും. ഇത്രയുമടങ്ങുന്ന പാക്കേജ് വ്യായാമമാണ് സ്ത്രീകള്‍ക്ക് നല്ലത്.

വെയിറ്റ് ട്രെയിനിങ് നല്‍കി പേശികള്‍ ദൃഢമാക്കിയാല്‍ മുട്ടുവേദന, സന്ധിവേദന, നടുവേദന തുടങ്ങിയ പ്രശ്‌നങ്ങളെ ഒരു പരിധിവരെ തടയാം. അമിതവണ്ണമുള്ളവര്‍ ഭക്ഷണക്രമീകരണത്തിന്റെ സഹായത്തോടെ ആദ്യം കാര്‍ഡിയോ വ്യായാമങ്ങള്‍ ശീലിക്കണം. അതിനുശേഷം മാത്രമേ ജിമ്മില്‍പോയി ലൈറ്റ് വെയിറ്റ് ട്രെയിനിങ് നേടാവൂ.

വെയിറ്റ് ട്രെയിനിങ് ചെയ്താല്‍ സ്ത്രീകളുടെ ദേഹം പുരുഷന്മാരുടേതുപോലെ 'സിക്‌സ് പാക്ക്' ആവുമെന്ന് ഭയക്കുന്നവരുണ്ട്. ഇതില്‍ കാര്യമില്ല. പരസ്യങ്ങളില്‍ കാണുന്ന 'സിക്‌സ് പാക്ക്' മസിലുകളുള്ള വിദേശ ഫിറ്റ്‌നെസ്സ് മോഡലുകള്‍ പലതരം ഉത്തേജകമരുന്നുപയോഗിച്ചാണ് അത്തരം ശരീരം നേടിയെടുക്കുന്നത്.

ഡംബെല്‍സ് (ഭാരക്കട്ടകള്‍) ഉപയോഗിച്ചുള്ള വെയിറ്റ് ട്രെയിനിങ് ചെയ്യുമ്പോള്‍ ചിലത് ശ്രദ്ധിക്കാനുണ്ട്. എടുക്കാന്‍ കഴിയുന്ന ഭാരത്തിന്റെ നാല്‍പതു ശതമാനം ഭാരമേ ഉയര്‍ത്താന്‍ ശ്രമിക്കാവൂ. പത്തു കിലോയുള്ള വെയിറ്റ് ഉയര്‍ത്താന്‍ പറ്റുമെങ്കില്‍ നാലു കിലോ വെയിറ്റ് പല പ്രാവശ്യം ഉയര്‍ത്തിയാല്‍ മതി.

നടത്തമാവട്ടെ, നീന്തലാവട്ടെ ഏതു വ്യായാമവും ഏറ്റവും കുറഞ്ഞത് 20 മിനുട്ടെങ്കിലും തുടര്‍ച്ചയായി ചെയ്താലെ ഫലവത്താവൂ.
നല്ല ഗുണം കിട്ടണമെങ്കില്‍ 45 മിനുട്ട് വ്യായാമം ചെയ്യണം. നടക്കുകയാണെങ്കില്‍ ഇടയ്ക്ക് നടത്തം നിര്‍ത്തി സംസാരിക്കരുത്.

എയ്‌റോബിക്‌സ് ചെയ്യുമ്പോള്‍ ഭയങ്കരമായുള്ള കിതപ്പ് ഉണ്ടാവരുത്. അത് അനാരോഗ്യത്തിന്റെ ലക്ഷണമാവാം. അപ്പോള്‍ വൈദ്യപരിശോധന നടത്തണം. ചെറുതായി കിതയ്ക്കുന്നതില്‍ കുഴപ്പമൊന്നുമില്ല. നന്നായി ഓക്‌സിജന്‍ ശ്വസിച്ച് ചെയ്യുമ്പോഴാണ് കാര്‍ഡിയോ വ്യായാമങ്ങള്‍ ഫലം ചെയ്യുക. വ്യായാമം ചെയ്തുകൊണ്ടിരിക്കെ തടസ്സമില്ലാതെ ഒരു വാചകം പറയാന്‍ കഴിയുമോ എന്ന് ശ്രദ്ധിക്കുക. കഴിയുമെങ്കില്‍ അതിന്റെ അര്‍ഥം നിങ്ങള്‍ ശരിയായ രീതിയില്‍ വ്യായാമം ചെയ്യുന്നു എന്നാണ്. വ്യായാമത്തിലൂടെ വണ്ണം ആവശ്യമുള്ളത്ര കറച്ചു കഴിഞ്ഞാല്‍ പിന്നീട് കണക്കില്ലാതെ ഭക്ഷിക്കുന്നത് നന്നല്ല. വീണ്ടും വണ്ണം തിരിച്ചുവരും. പകരം അടുത്ത മൂന്ന് മാസത്തേക്ക് ഭക്ഷണം വലുതായി കൂട്ടേണ്ട. അപ്പോള്‍ ശരീരം അതിനനുസരിച്ച് സ്വയം ക്രമീകരിക്കാന്‍ പഠിക്കും. വ്യായാമം ചെറുതായി തുടരുകയും വേണം.

BY SANTHOSH MOHAN

POMELO

Pomelo is the biggest of all the citrus fruit; it is native to Southeast Asian countries. Pomelo can grow as large as 30cm in diameter and weigh up to 25 pounds. The pulp color varies from pale yellow to pink and red. The rind is very thick but soft and easy to peel away. Pommel has sweet and sour tastes but the membranes of the segments are bitter and usually discarded.

light yellow variety of pomelo

Nutrient per 100 g:

Vitamin C: 44.8 mg
Vitamin B1: 0.03 mg
Vitamin B2: 0.03 mg
Beta Carotene 200 ug
Calcium 14.0 mg
Iron 0.6 mg
Protein 0.7 g
Fat 0.3 g
Carbohydrate 10.4 g
Energy: 44.0 Kcal
Water: 88.0 g
Health Benefits:

The rind of pomelo contains a high amount of bioflavonoid. The bioflavonoid in pomelo was discovered to even stop cancer cells from spreading in breast cancer patients by ridding the body of excess estrogen.
Even if the juice of pomelo has an acid taste, its juice actually has an alkaline reaction after digestion. It is therefore beneficial in the digestive system.
Pomelo has pectin which is effective in reducing the accumulation of arterial deposits.
The high content of vitamin C helps to strengthen and maintain the elasticity of arteries.
Pomelo can aid in the weight loss process, because the fat burning enzyme in pomelo can help to absorb and reduce the starch and sugar in the body.
Pomelo can even help in cases of fatigue, diabetes, fever, insomnia, sore throat, stomach and pancreatic cancer

red variety of pomelo
Uses: Pomelo fruit is eaten fresh or is use to make juice. The pulp can be use to make salads and the peel is used to make candies and in Chinese cooking, citrus peel is often used for flavoring, especially in sweet soup desserts.

 

BY MAJID HUSSAIN